PAYAK NA HAPUNAN NG TIBAK NA SPARTAN
sibuyas, kamatis at bawang pinagsama
habang tuyong hawot ay ipinirito pa
payak na hapunan ng tibak na Spartan
na nag-iisa na lang sa abang tahanan
nagsaing muna, sunod ay ang paglalaba
at naglinis din sa tinahanan ng sinta
nagkusot, nagbanlaw, labada'y pinigaan
niluto'y hawot pagkagaling sa sampayan
simpleng pamumuhay lang kasama ng masa
simpleng pagkain lang habang nakikibaka
simpleng tulâ lang ang alay sa santinakpan
simpleng buhay lang na handog sa sambayanan
tara, mga katoto, saluhan n'yo ako
sa payak mang hapunan ay magsalo-salo
- gregoriovbituinjr.
10.30.2025
Walang komento:
Mag-post ng isang Komento