SA ARAW NG KABABAIHAN
pakikiisa ko'y mahigpit
sa Araw ng Kababaihan
sasama ako't igigiit
kanilang mga karapatan
bukas ay dadalo sa rali
upang ipagdiwang ang Araw
ng magigiting na Babae
at sila rin ang bumubuhay
sa mamamayan ng daigdig
silang kalahati ng mundo
sila ang pusong nagpapintig
sa akin, sa masa, sa tao
lola, ina, tiya, kapatid,
asawa, kasintahan, guro,
sa bawat babae ang hatid
ko'y pagpupugay, buong-buo
at sa Dakilang Araw nila
kalalakiha'y kikilos din
kapitbisig at sama-sama
na lipunang ito'y baguhin
- gregoriovbituinjr.
03.07.2025
Walang komento:
Mag-post ng isang Komento