ALMUSAL NA GULAYIN
talbos ng kamote at okra
payak na almusal talaga
sibuyas, bawang, at kamatis
na isinawsaw ko sa patis
habang katabi ang kwaderno
upang isulat ang kung ano
nageehersisyo din naman
upang lumakas ang katawan
bihira muna ang magkanin
kaya gulay lang itong hain
sa ganito'y nakatatagal
kahit maghapon pang magpagal
- gregoriovbituinjr.
09.10.2025
Walang komento:
Mag-post ng isang Komento