muli, nasa ospital ako
upang kay misis ay dumalaw
siya'y muling tinitigan ko
hinawakan ang kanyang kamay
pinisil ang mga daliri
kamay ko'y pinisil din niya
tila pangarap niya't mithi
na kami'y muling magkasama
siya'y aking sinasabihan
nang sa loob ko'y bumubukal:
"pagaling ka! kaya mo iyan!
magpalakas ka, aking mahal!"
visiting hours na'y natapos
kaya ako na'y nagpaalam
babalikan ko siyang lubos
na pagsinta'y di mapaparam
- gregoriovbituinjr.
04.10.2025
Walang komento:
Mag-post ng isang Komento