DUGTUNGANG HAIKU, HAY NAKU
ang magsasaka
at uring manggagawa,
nakikibaka
kanilang asam
ang bulok na sistema'y
dapat maparam
makatang ito
ay katha ng katha ng
haiku, hay naku
pagkat tungkulin
niyang buhay ng masa'y
paksang tulain
kamuhi-muhi
iyang kapitalismong
dapat mapawi
ah, ibagsak na
ang kuhilang burgesya't
kapitalista
walang susuko
lipunang makatao'y
ating itayo
- gregoriovbituinjr.
01.14.2025
* ang haiku ay tulang Hapones na may pantigang 5-7-5
Walang komento:
Mag-post ng isang Komento