PABAHAY AT TRABAHO, HINDI CHACHA
kayganda't pinaghirapang sining
sa plakard na ina'y humihiyaw
doon ay talagang idinrowing
ang hiling nila't isinisigaw
payak na panawagan ng ina
at nakikinig ang kabataan
trabaho't pabahay, hindi ChaCha
dapat unahin para sa bayan
ChaCha ay kapritso lang ng trapo
na gustong mabago'y Konstitusyon
aariing sandaang porsyento
ng dayo ang lupa't term extension
trapo'y walang inisip sa bansa
kundi lumawig lamang ang hanay
ayaw gawin ang asam ng dukha
na trahaho muna at pabahay
trapo'y ChaCha ang nais sayawin
nang sa kapangyariha'y tumagal
binabalewala'y bayan natin
na inihuhulog sa imburnal
- gregoriovbituinjr.
03.12.2024
* litratong kuha ng makatang gala noong Araw ng Kababaihan 2024
Mag-subscribe sa:
I-post ang Mga Komento (Atom)
Tao ka ba?
TAO KA BA? aba'y nagtatanong sa atin ang internet o ang A.I. o artificial intelligence beripikahin: "Are you human?", "T...
-
PAGPUPUGAY SA PAGWAWAGAYWAY isang karangalang mabidyuhan ang pagwawagayway ng bandila ng samutsaring mga samahan, ng guro, obrero, masa, duk...
-
NAGKAMALI NG BILI NG DELATA nagkamali ako ng bili ng sardinas di ready-to-open, hanap ko pa'y pambukas na abrelata, ngunit wala, kutsily...
-
ANG LANDAS KONG TINATAHAK tinatahak ko ang landas ng magigiting di ang landas ng hunyango, trapo't balimbing kaya aagahan ko palagi ang ...
Walang komento:
Mag-post ng isang Komento