PAGDEDE NG DALAWANG KUTING
nakaupo roon ang inahin
nang maabutan ng isang kuting
tila sa gatas ay gutom man din
kaya dumede na sa inahin
isang kuting pa'y biglang dumatal
na ano't tila ba humihingal
dumede rin siya, di nagtagal
habang ina'y tila natigagal
ganyan madalas ang buhay nila
pag walang huling daga ang ina
na sila'y padede-dede muna
sabagay, sila nama'y bata pa
mga kuting, kayo'y magpalakas
at sa ina'y uminom ng gatas
habang akin namang nawawatas
pag-ibig ng ina'y sadyang wagas
- gregoriovbituinjr.
05.21.2023
* mapapanood ang bidyo sa: https://fb.watch/kFvN8wzsWV/
Walang komento:
Mag-post ng isang Komento