naiintindihan mo na ba ang kapitalismo
halimbawa na lang iyang face mask na sirit presyo
mapagsamantala sa sitwasyon, mga dorobo
kalamidad na'y pinagkakakitaan pa nito
mga tuso sila, sadya ngang mapagsamantala
di nakuntentong baratin ang manggagawa nila
pati ba naman kalamidad, pinagtubuan pa
ganyan, ganyan katuso ang mga kapitalista
di nagpapakatao ang kapitalismong bulok
nagsamantala na habang bulkan ay umuusok
ang pagsasamantala nito'y nakasusulasok
sistemang ito'y dapat ibagsak mula sa tuktok
kapitalista'y ganyan, mapagsamantalang uri
kaya dapat makibaka nang di sila maghari
palitan na ang kapitalismong kamuhi-muhi
nitong lipunang makataong dapat ipagwagi
- gregbituinjr.
* litrato mula sa pahayagang Pilipino Ngayon, Enero 14. 2020, p. 4
Walang komento:
Mag-post ng isang Komento