hinanap ko na sa diksyunaryo
salin ng BACKGROUND sa Filipino
may likuran, karanasan, pondo
anong etimolohiya nito?
sa Ingles, back at ground, pinagsama
ito yaong compound word talaga
eksaktong salin nito'y wala pa
ngunit ito'y kailangan ko na
kaya akin nang napag-isipan
salitang "litrato sa likuran"
compound word, pagsamahin din naman
kaya nabuo ko ang LITKURAN
sa disenyo'y kakailanganin
sa tulang nalikha't lilikhain
sana, salitang ito'y tanggapin
ng bayan at ito na'y gamitin
- gregoriovbituinjr.
09.16.2025
* ang litkuran ay kuha sa MOA
Walang komento:
Mag-post ng isang Komento