TULA, TULI, TULO
tula ang tulay ko sa sambayanan
upang sila'y aking mapaglingkuran
tula'y tulay ng puso ko't isipan
sa asam na makataong lipunan
magpapatuli ang aking pamangkin
tama lang at nagbibinata na rin
boses niya'y nag-iba na pag dinggin
tila makata rin pag pabigkasin
nagbagyo, atip ay maraming tulo
ang suportang kahoy na'y nagagato
buti't kisame'y di pa gumuguho
bumabaon sa dibdib ang siphayo
minsan, salita'y nilalarong pilit
buti't dila'y di nagkakapilipit
- gregoriovbituinjr.
09.04.2024
* litrato mula sa app game na Zen word level 308 at level 522
Walang komento:
Mag-post ng isang Komento