MAG-ISANG NAGDIRIWANG
kalmado lang akong umiinom
ng Red Horse dito sa munting silid
pangatlong dekada'y nilalagom
katapatan ko'y di nalilingid
tatlong dekada na sa lansangan
tatlumpung taon na ng pag-iral
na yaring puso't diwa'y nahinang
sa pagbaka kahit napapagal
ah, sino kayang mag-aakala
sa dami ng dinaanang sigwa
sa rali'y ilang beses nadapa
narito pa ring lapat sa lupa
patalim man, balaraw o baril
sa pagbaka'y walang makapigil
hangga't prinsipyo'y nakaukilkil
tibak na makata'y walang tigil
- gregoriovbituinjr.
08.17.2024
Walang komento:
Mag-post ng isang Komento