Sabado, Hunyo 15, 2024

Bayngaw

BAYNGAW

maliit ang langaw
malaki ang bangaw
mas malaki, bayngaw
na dulot ay panglaw

kapag nakagat ka
dengue ang kapara
o kaya'y malarya
iwasan mo sila

mahirap makagat
at kung magkasugat
baka di maampat
tiyak malalagnat

paligid, linisan
pati ang tahanan
nang di pamugaran
ng bayngaw na iyan

- gregoriovbituinjr.
06.15.2024

* mula sa UP Diksiyonaryong Filipino, p.157
* bayngaw - pangngalan Zoolohiya [Sinaunang Tagalog]: malaking bangaw na nangangagat
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

Payò sa tulad kong Libra

PAYÒ SA TULAD KONG LIBRA di ako mahilig sa horoscope subalit mahilig ako sa pagsagot ng sudoku ngunit dahil sa dyaryo sila'y magkatabi a...

  • Sa Araw ng Kababaihan
    SA ARAW NG KABABAIHAN pakikiisa ko'y mahigpit sa  Araw ng Kababaihan sasama ako't igigiit kanilang mga karapatan bukas ay dadalo sa ...
  • Sa bawat pintig ng orasan
    Sa bawat pintig ng orasan bawat oras, minuto, segundo nga'y humihinga sa ibinigay na panahon, tayo ba'y masaya? nakikipagkapwa-tao, ...
  • Soneto sa musa
    SONETO SA MUSA tulad mo'y patak ng ulan sa aking munting katawan tulad mo'y init ng araw sa panahong anong ginaw tulad mo'y mga ...