HIKAB SA LAMAY
ramdam ko na ang antok, naghikab
ngunit di pa oras magpahinga
dapat pang asikasuhing ganap
ang kamag-anakan at bisita
nakadalawang hikab na ako
ay, dapat nang magpahingang tunay
sa tula ako nagpasaklolo
na siyang sa akin umalalay
pag mga bisita'y nag-uwian
maglilinis muna ng paligid
ipasok ang pinggan, kanin, ulam
saka bintana't pinto'y ipinid
at sa mahabang bangko'y humiga
mga mata'y marahang ipikit
habang sa mahal nangungulila
ay matutulog ng ilang saglit
- gregoriovbituinjr.
04.16.2024
Walang komento:
Mag-post ng isang Komento