GABI NA NAMAN
gabi na naman, nais kong matulog
matapos kumain ng pansit luglog
pagkat katawan ko'y parang nalamog
tila namamayat na't di malusog
ako'y isang matikas na bubuyog
na mapulang rosas ang pinupupog
habang nektar ay sinipsip, minumog
ngunit sa tinik nito'y nalalasog
ano kaya ang kaya kong ihandog
sa bulaklak na mutya't iniirog
subalit kanina ulo ko'y nauntog
mabuti't araw ko'y di pa palubog
gabi na at nais ko nang matulog
pag binangungot ay agad mayugyog
- gregoriovbituinjr.
03.25.2024
Walang komento:
Mag-post ng isang Komento