LUTO NI NANAY
naroong bubulong-bulong
niluto muli ni nanay
ay pawang isdang galunggong
O, ina, wala bang gulay
mula pa nang pagkabata
ay iyan na'y paborito
ulam na ang pritong isda
wala nang ibang ginusto
ngayon, dama'y di matiis
sapagkat siya'y para nang
merong hasang at kaliskis
gayong isda'y inutang lang
ngunit mabuti na iyan
kaysa magutom at wala
bukas, sana'y gulay naman
na talagang pampasigla
maraming salamat, ina
sa kaysasarap mong luto
O, mahal kitang talaga
nang may buo pong pagsuyo
- gregoriovbituinjr.
12.01.2022
Walang komento:
Mag-post ng isang Komento