nandito akong muli sa paboritong FabCaffe
datapwat di kape, iniinom ko'y tsokolate
mainit na Dark Choco habang nagmumuni-muni
tangan ang pluma, tikim-tikim, anong sarap kasi
isa ito sa mga malimit kong pagtambayan
kung nais mo akong mahanap ay dito puntahan
at bakasakaling ako'y dito mo matyempuhan
inom lang ng inom habang may pinagninilayan
mamaya, isusulat na kung anong nalilirip
pagkat sa pagmumuni'y marami akong nahagip
tinula ko'y basahin mo't di ka na maiinip
at mababatid mo na rin ang nasa aking isip
kaya sa FabCaffe, taospusong pasasalamat
pagkat dito'y nakaka-relax na't nakasusulat
at kung may suliranin man o ang puso'y may sugat
umorder lang at tumambay sa FabCaffe na'y sapat
- gregoriovbituinjr.
11.10.2021
Walang komento:
Mag-post ng isang Komento